大律師植志威上個禮拜入稟追討亞視《百萬富翁》節目贊助商「隨身網」十五萬獎金，單案𠵱家重排緊期，植大狀噚日已經忍唔住約見傳媒朋友，向亞視同埋贊助商發炮。
原來「隨身網」之前收咗植大狀嘅律師信後，回信話原本打算搞一個盛大嘅頒獎典禮，但係同負責節目製作嘅亞視傾唔掂數，所以過唔到數。「隨身網」重要植大狀提供證據，證明自己唔係亞視人，遊戲中冇人提水。植大狀話身為贊助商竟然反過嚟懷疑亞視嘅誠信，的確幾卸膊。
對於亞視之前話因為植大狀唔肯簽收款文件，所以收唔到錢。植大狀大鬧亞視「惡人先告狀」，重話考慮告對方誹謗。
（圖）植志威噚日向傳媒盡數亞視衰嘢。
傳真︰2623-9278
電郵︰