張燊悅（Nicola）近日購下了一頭金毛尋回犬「壽包」，日前Nicola帶兩隻小狗到山頂嬉戲時，只有兩個半月的壽包，百厭得弄哭了一名六個月大的外籍BB，嚇得Nicola手足無措。
張燊悅本身飼有一頭兩歲大的摩天使狗女Muffin，近期她由北角半山搬到跑馬地居住後，另購下一頭金毛尋回犬「壽包」，給Muffin作伴。日前Nicola趁空檔帶了兩頭小狗到山頂散步，兩個半月大的壽包甚為百厭，不停跑來跑去，追到主人氣咳。
當Nicola坐在草地小休時，一名外籍女士抱着年僅六個月大的BB經過，穿上吊帶工人褲的金髮BB見到兩頭小狗，不禁伸手逗玩，未料壽包卻嚇驚了BB，BB馬上哭了起來，Nicola見狀也吃了一驚，即時抱起壽包及向BB媽咪致歉，不過BB只哭了一會，很快已收拾心情，轉移逗玩較乖巧的Muffin。
事後Nicola說：「壽包太細，都唔聽我講嘢嘅，佢百厭㗎，𠵱家出緊牙，見乜咬乜，佢專咬我小腿同腳踭，又扯爛屋企啲地氈同電話插頭，壽包成日喺屋企周圍大小便，我就梗係要執手尾啦，但我阿媽就勞氣啲囉。」
以前Nicola以飼貓為樂，但現在她改而養狗，她解釋說：「因為我有哮喘，醫生話唔好養貓，啲貓毛會搞到鼻敏感，我惟有將隻貓送畀朋友，當時我喊到豬頭咁，呢件事亦係我嘅遺憾。」
採訪、攝影：朱芷瑩