有「名媛設計師」稱號的鄭兆良昨日往淺水灣，出席「酩悅香檳亞洲時裝設計師雲裳獻禮」記者會，同場加演fashionshow率先展出新作。三十六歲的鄭兆良突然轉性，表示已厭倦設計華麗晚裝，轉移設計resortluxe（休閒華服）。
由Moet&Chandon主辦的「酩悅香檳亞洲時裝設計師雲裳獻禮」舞會，今晚於灣仔君悅酒店舉行，昨日率先在淺水灣影灣園舉行記者會，以別開生面的形式向五位在亞洲時裝界極具成就的設計師致敬。
五位設計師包括本港的鄭兆良、內地的吳海燕、台灣的溫慶珠、南韓的金志海及馬來西亞的RizalmanIbrahim。五人昨日分別乘坐Smart汽車出場，同場加演fashionshow，由多位模特兒展示五人的新作。
有「名媛設計師」之稱的鄭兆良（Barney）昨日表示對自己一向最煞食的華麗式釘珠晚裝設計生厭，他說：「釘晒珠片嘅設計對我嚟講已經out咗，我今年三十六歲，唔知係踏入中年抑或做咗瑜伽，諗法變咗好多。我想作出多啲改變，過去嗰套設計方式我覺得好厭啦，我𠵱家想做啲個人喺旅遊時都着到嘅衫，走resortluxe（休閒華服）方向。」
問Barney突然對自己最強一面生厭，是否因傳言指他為名媛設計晚裝時十分受氣？他說：「絕對唔係，係我長期客人嘅名人，彼此已經好了解，冇受氣呢個情形出現，只不過我想試多啲新嘢啫，例如我想試吓設計眼鏡同家具等，唔係只局限於設計時裝。」