由前立法會議員Steven潘國濂、佢位公子潘樹人揸弗之慧峰集團噚日正式掛牌上市，話晒Steven都算係政界名人，加埋公司大股東之一係飛哥李鵬飛，故此個上市儀式算係近期較熱鬧的一次。
八方等佢兩父子同啲朋友影完相、握完手，足足等咗四十五分鐘，先至傾到兩句，可想而知場面幾咁巴閉！Steven話，呢個時候上市，係因為佢哋公司已經好ready，所以無懼外圍因素，最多都只係集少啲錢。至於棄政從商後有乜搞作，佢話除咗8228外，重有好多其他嘢。至於8228，全日收報0.41元，較招股價0.4元升2.5%，都算飲得杯落啦！
傳真︰2623-9278
電郵︰