身兼健身教練、專業營養師、體重管理計劃營養顧問、瑜伽導師及家庭主婦的Cheryl，自小已注意飲食健康，婚後對老公的健康亦非常着緊，平日雖然各有各忙，但吃得清淡的兩口子，最喜歡的還是留在家裏煮飯吃，一頓兩個餸的健康餐，半個小時已搞掂！
記者：陳珮娟
攝影：伍慶泉
其實兩口子平日多以烚菜為主，但若用來招待朋友，烚菜又顯得太寡，因此Cheryl利用不同的菇類及豆腐放在菜上，既健康又不膩，而且賣相亦討好。
小記試食：這道菜眼看頗為清淡，但因為加入芡汁的關係，菜及鮮菇都非常入味，就連吃不慣清淡菜的小記也覺得好味。
材料：
唐生菜 半斤
豆腐 1磚
鮮冬菇、金菇、雞髀菇 各適量
金笋絲 少許
豉油 兩湯匙
豆粉 1茶匙
做法：
Cheryl指出每次煮飯，多數以一碟肉、一碟菜及一煲湯為主，肉類方面亦會選擇雞、魚等白肉，紅肉則較少。而龍脷柳由於無骨、又方便買得到，所以亦是她們兩夫婦的心頭好。
小記試食：入口一點也不油膩，泰式青檸汁令魚變得酸酸甜甜，入口更見清新，必定要落！
材料：
龍脷柳 兩條
泰國青檸 1個
葱段 適量
胡椒粉 少許
白酒 1.5湯匙
日本豉油 適量
做法：
老公仔：迫我食生果最唔慣
老婆要食得清淡，做老公的阿Ben又怎樣看？「好好彩，我本身都喜歡食清淡食物，而老婆煮嘅餸亦好啱我胃口，唯一唔慣係我唔鍾意食水果，但老婆就猛迫我食，不過食慣咗之後，腸胃又的確好咗！而且體重一直都Keep住，幾年都無變過！」
老婆仔：腸胃敏感吃得清淡
Cheryl自小鍾意食，於是喺加拿大讀書都主修營養學。「我的腸胃好易敏感，試過出街食飯，人人無事，唯獨我屙到七彩。這兩道菜每人才111kcal，而一碗叉燒飯也要490kcal，所以實在是健康之選！」
由於夜放工的關係，Cheryl及阿Ben平日多數會到超市買餸，但在假日則會到附近的東涌街市買餸。「呢個街市雖然唔係好大，但就勝在樣樣齊備，而且有冷氣，逛街市也逛得很舒服！」
唐生菜當造
一入到街市，Cheryl已經好熟路咁走到菜檔買菜，「阿姐，今日邊種菜最靚呀？」「唐生菜同白菜仔都唔錯！」最後Cheryl揀了冬菇及唐生菜。
至新鮮豆品檔
「呢檔豆腐檔的豆品類食物好新鮮，豆腐有很多種，較滑的有水豆腐，最啱蒸來吃，今次的豆腐要煎，所以會選用較硬身的硬豆腐。」