章小蕙昨午三時左右回中環店舖工作，她一見記者即大吐苦水說：「我收到律師電話，話上次我打贏裕泰興單官司，對方唔肯畀律師費，我𠵱家要諗辦法撲水，成六位數字，嚟緊同佢再打官司都要五位數字律師費。我𠵱家要大減價，要錢唔要貨，連本來諗住去日本浸溫泉都泡湯，有個朋友送咗啲浴鹽畀我，只可返屋企浸。」
對於前夫鍾鎮濤正式破產，章小蕙說：「我同佢離咗婚六年，都唔知佢係咪真係為裕泰興條數破產，分分鐘裕泰興唔係佢最大債主呢？我打呢場仗都未知輸贏，如果佢係為呢單嘢而破產就好唔值，都唔明點解佢做咁壞打算。」
問到阿B破產，若債務對分的話，章小蕙是否只還一億二千五百萬？她說：「咁我招牌咪要改囉，身價咪跌？我咪叫一點二五億囉！重有冇折㗎？好興奮呀，講多啲我知啦。」
採訪、攝影：王連連