經濟不景，不過名校嘅籌款活動一定唔會受影響，因為佢哋大把知名校友，好似英華書院為明年九月將校舍遷到深水埗，想籌千五萬。聽晚會於跑馬地足球總會進行其中一個籌款晚會，每圍兩萬幾，筵開六十圍，可望籌到一百幾十萬。財爺阿松、行會成員廖長城、選管會主席胡國興、歌神許冠傑（圖）等捧場，買遲啲都冇飛。
聽晚主禮嘉賓係梁愛詩，而幾位校友會唱懷舊金曲，重有曾路德同區瑞強做表演嘉賓，唔知到時阿松會唔會再唱多次《獅子山下》？又會唔會帶埋松嫂一齊來？八方記得阿松曾經話過，當時英華嘅校長面惡心善，特許當時住得遠家境又窮嘅阿松，晚上喺學校飯堂廚房瞓帆布床，咁睇阿松要捐多啲先得。
傳真︰2623-9278
電郵︰