鍾鎮濤（阿B）昨日獲法庭批出破產令，正式開始四年的破產生涯。阿B昨日表示會隨遇而安，他仍會努力工作，不會因此偷懶及放棄自己，而林建岳亦力撐阿B，替他安排拍戲及演唱會。
鍾鎮濤因與前妻章小蕙炒樓失敗，欠下裕泰興財務二億五千萬元，阿B於七月中入稟申請個人破產，昨日高等法院正式頒布破產令，阿B開始其四年的破產生涯。
阿B昨日與女友范姜未有外出，對於破產一事，阿B表示早已做好心理準備，他昨日在電話中說：「都係喺我預計之內，冇乜特別感覺，隨遇而安啦。我呢一兩年生活都唔係特別奢華，所以我相信唔會有太大改變，但詳情重要同破產官傾。」
阿B續道：「嚟緊可能我去高級地方食嘢，或者去茶餐廳飲茶，都可以俾人大造文章，但我會照舊過番自己生活，有朋友請我去貴價餐廳我都會去，唔會避囉。如果樣樣嘢都要忌住，搞到自己好辛苦重無謂。」
據悉林建岳（Peter）旗下的東亞娛樂，八月底為阿B舉辦的演唱會反應熱烈，加上林建岳認為阿B面對破產的態度正確，故此力撐阿B，明年更為他籌備巡迴演唱會。林建岳亦下令公司高層，將來開戲若有合適角色，亦要安排阿B演出。
對此阿B說：「上次開完個唱，我同Peter嗰邊合作得好開心，佢咁支持我，當然好多謝佢。雖然我未來收入要分配還畀債主，但唔代表我可以偷懶，有好嘅工作計劃，都要好好去做。Peter公司搞娛樂搞得好好，我對佢哋好有信心。」
而裕泰興董事總經理羅守耀，昨日在中環辦公室接受訪問，被問到對阿B正式破產有否失望時，羅守耀說：「冇，對方跟足法律程序做嘛，𠵱家要等破產官睇佢有乜資產可以凍結，重有佢四年收入點分配。我哋唔係唯一債權人，重有稅務局呢。」羅守耀強調沒有債主希望債仔破產，他們只想收回債項。
採訪、攝影：王連連、顏英儀
案件編號：HCB14220/2002