地鐵主席兼行政總裁蘇澤光辭職嘅事，雖然尚未獲當事人親口證實，但係空穴來風，聽講已經掀起一個挽留潮，連立法會議員都好關注事件發展。 民建聯副主席葉國謙同八方傾開呢件事，佢話，噚日喺中環行行吓街撞到JackSo，即刻問佢有乜新料到，點知JackSo真係答得玄：「你都知道搵工難啦！」吓！你咁嘅「哥利」搵工都會難？JackSo笑而不語，只係話今日會去立法會同議員見面。究竟佢呢句搵工難有乜玄機，真係要大家參詳參詳嘞！ 傳真︰2623-9278 電郵︰[email protected]