一個女星紅咗又或者入行耐咗，自然識得打扮，姑勿論有冇整容，佢哋個靚樣遲早都會變成追求「人工美」女仔嘅人辦，揸埋佢哋幅相去美容院落order。 日本有間美容院最近就話推出咗「濱崎步眼整容特惠套餐」，將客人對眼整到好似步姐一樣，收費六千幾蚊港紙，但講真我就對呢啲大到好似跌得出嚟嘅「美眼」不敢恭維囉！