華人要在世界現代舞壇佔一席位已經不易，做到好似七三年創辦台灣「雲門舞集」嘅林懷民，獲得紐約文化局及多個世界級榮銜就更唔簡單。
林懷民昨天在港宣傳佢最新嘅舞蹈作品「行草」，將中國傳統書法藝術入舞，下個月八至十號在香港文化中心演出。三十年前，林懷民已經覺得跳現代舞要走自己嘅路，所以一開始就叫舞蹈員學京劇做手，跟住學太極、武術、打坐、書法。
林懷民頗有金庸小說中張無忌影子，學完就叫舞者忘記晒啲招式同筆法，自由發揮。有位教佢哋太極嘅師傅，睇完表演，捉住林懷民，好緊張咁話啲太極動作做錯晒。點知林懷民一啲都唔介意，重話明年會再編多齣「狂草」。
（圖）「行草」係林懷民最新嘅舞蹈作品。
傳真︰2623-9278
電郵︰