警隊「一哥」曾蔭培高大威猛，一直都非常受女性歡迎，繼日前出席一個青年聚會俾班學生妹圍住後，噚日出席維多利亞崇德社嘅午餐會時，一入到會場又俾班女會員圍住，大家嘻嘻哈哈講吓打高爾夫球，估唔到平時嚴肅冷酷嘅「一哥」，對住班女仔時可以咁多笑容，唔怪得咁受歡迎。
咁都唔止，「一哥」上台演講時更大展「冧女功」，一開始就話舊年喺同一場合時講咗好多女警嘅威水史，𠵱家女警喺警隊嘅地位仍然咁崇高，表現仍然咁威水，此話一出，台下班姐姐仔即刻拍爛手掌，有啲重不斷點頭微笑，似乎好欣賞「一哥」咁尊重女性。睇嚟真係要封佢做新一代「女殺手」！
（圖）「一哥」到場，即引來一眾女士「圍攻」，果然魅力沒法擋！
傳真︰2623-9278
電郵︰