三黎魚至靚 今日行街市，想買條魚蒸畀兩個化骨龍食，行嚟行去都唔知買乜！魚檔老闆娘珍姐介紹我食當造嘅三黎魚，佢話呢種魚入秋至春節間最靚，入口鮮甜，煮苦瓜或者清蒸都咁好味。
西洋菜盛產期 菜檔嘅老陳話，入秋開始係西洋菜盛產期，今晚一於用西洋菜煲靚湯，等老公清熱潤肺。
爽甜學斗 我見啲小棠菜、小白菜都幾靚，不過菜檔老闆就推介呢款名為學斗嘅白菜，學斗嘅肉質又甜又爽，清炒或者用嚟滾湯就最正。