「安仔成日放學返嚟同我講，邊個邊個同學有電動輪椅，點解佢又冇。問到我口啞啞，唔識點答。」單親媽媽楊太歎着氣道。
六歲的安仔，因為患有脊髓肌肉萎縮症，導致雙腳肌肉退化，不但未能走動，就連站起來的氣力也沒有。楊太表示：「𠵱家安仔就好似個BB咁，唔識行，成日喺個地爬來爬去，好陰功。」
剛升讀特殊學校的安仔，現倚靠醫院借出的手動輪椅代步，惟因為小手臂的肌肉開始退化，操控輪椅甚覺吃力，因此十分渴望擁有一部電動輪椅。
然而，對於兒子的心願，楊太委實無力達成。「屋企𠵱家咁嘅環境，使一毫子都要諗過度過，邊有閒錢買部電動輪椅畀安仔吖！」
育有四名年齡分別六歲至九歲子女的楊太，年前與丈夫離異，因為患有精神抑鬱及肩周炎，加上要照顧患病的么子安仔，無法外出工作，一室婦孺現靠綜援金生活，經濟十分拮据，難以負擔購買電動輪椅的數萬元龐大支出。
本報早前已把安仔的個案轉介扶輪兒童復康專科及資源中心的職業治療師跟進，現正進行評估安仔適用那款電動輪椅。「雖然安仔個病冇得醫，但我都唔想佢一路差落去，希望大家可以幫吓安仔買一部電動輪椅，等佢唔使咁辛苦。」楊太由衷地呼籲。
捐款編號：C0710
暖流熱線
電話：29908688
傳真：23702192
電郵：
網址：