本報昨日踢爆陳小春的新女友，是跑馬地紅酒館老闆王敏慧（Marianne），小春昨日到商台接受訪問，說到新戀情時一臉甜絲絲。雖然小春擔心戀情曝光後，對方會「縮沙」，但他仍會「全速前進」。而小春亦大讚對方是一個好女仔。
陳小春近日因為有新戀情而春風滿面，但他一直不願透露女友是誰，昨日本報踢爆其新歡原來是跑馬地紅酒館老闆王敏慧（Marianne）。小春昨日到商台接受錄音訪問，被問到新女友是否Marianne時，他即無奈地笑說：「我覺得呢行真係盛產二五仔！」記者問小春是否真有其事，他聞言即說：「咁我又冇話係真喎！」
小春說：「我本來……我話本來咋！本來想追，有可能發展，俾你哋（指記者）咁樣寫出嚟，我係女仔都縮沙啦！你教我𠵱家點做？」小春似乎相當擔心新戀情會受到有關報道影響，問他是否正在追求Marianne，小春說：「交往緊囉，交往唔同追㗎，我唯一可以講嘅係，如果我有新發展再同大家講。」他又歎息道：「𠵱家全城都知，人哋唔退（縮）就奇啦！」
記者取笑小春還未清楚女方的意願，又何以會知對方一定退縮呢？小春甜笑說：「咁我又冇打畀佢問，如果佢冇入到後波，我咪全速前進，trymybest囉！不過我哋真係唔係報道所講拍緊拖，但我同佢係識咗好耐，最近見番先再聯絡。」問他Marianne現時有沒有男朋友，小春則說：「我唔知喎，佢一日未結婚，就算有男朋友我都可以追！」
小春承認曾與Marianne單獨約會，亦大讚女方心地好，但他有少許埋怨戀情曝光是因為接受了一個電台訪問，小春笑說：「最衰都係顏聯武，重有要多謝許愿。」
採訪、攝影：胡比