由Model轉職至電視藝員的駱樂，一副貌似韓君婷的樣子，報告天氣時叫觀眾印象難忘。在鏡頭的背後，駱樂原來極愛煮番兩味，最拿手炮製她最愛吃的茄子，在貪吃的背後，往往換來一團肥膏，每日要進行地獄式運動，將肥肉減走。
記者：區佩嫦
攝影：楊錦文
髮型：YoshiByHeadquarters
駱樂個人檔案
藝名：駱樂
年齡：20歲
入行：兩年多
現參與節目：亞洲電視天氣女郎、慧珊時尚坊主持
嗜好：唱歌、作歌、瞓覺、煮幾味
古靈精怪的駱樂，介紹這味同樣古怪的炸茄子三文治。這款菜式其實是駱樂參考不同的烹飪書創作而成，三文治內有齊她最愛吃的茄子、芝士、鯪魚肉，而紫蘇葉則用來吊味。
試味報告：溶化了的芝士滲入鯪魚肉內，味道夠晒香濃，爽口的魚肉與軟腍腍的茄子，兩者的口感成強烈的對比，效果的確不錯。
材料：
茄子 2條
鯪魚肉 $5
芝士 3片
紫蘇葉 10片
150下SitUp保苗條
駱樂自8、9歲開始已愛上烹飪，經常在廚房內跟媽咪偷師，記憶所及，第一味親自下廚的菜式便是荷包蛋。今次介紹的油炸茄子三文治是她最愛吃的餸菜，可惜卻是油膩的菜式，每次食完都要勁做150下SitUp，以挽救潛在的「暴肥」危機。
做法：
除茄子外，菇類亦是駱樂的至愛，平日駱樂最愛炮製這味焗時菇，最大原因是製法簡單。只要將所有材料撈勻，放入焗爐就得。雖然話菇類唔肥，夠晒健康，但小記眼見駱樂差不多放咗半嚿牛油，難怪現在的駱樂較初入行時更見珠圓玉潤。
試味報告：駱樂親手炮製的牛油焗鮮菇，勝在原汁原味，爽滑帶韌度的鮮菇，極富口感，小記覺得若加塊芝士焗，效果會更佳。
材料：
金菇 1包
秀珍菇 1包
靈芝菇 1包
蘑菇 1包
罐頭草菇(可用新鮮代替) 1罐
粟米粒 1罐
牛油 適量
做法：
平日駱樂多數喺藍田嘅德田街市買餸，咁啱今晚要返亞視做天氣女郎，廚癮大發，結果趁錄影前嘅小空檔，搭車去廣播道附近嘅樂富街市買餸，跟住放工先攞啲餸返屋企玩煮飯仔。
第一站：輕身茄子至靚
入到街市，駱樂二話不說就行勻全個街市嘅菜檔，駱樂話呢檔嘅茄子睇落幾靚，所以就幫襯呢檔。駱樂同檔主都話，茄子外表唔爛、有光澤，拎上手輕身，就算係靚茄子！
第二站：菇類外表新鮮
買餸當日好多菜檔都無菇賣，行勻全個場終於見到有檔有齊金菇、靈芝菇、秀珍菇賣，老闆見駱樂咁靚女，重醒佢買菇貼士：「最緊要個樣新鮮，唔霉就得啦！」
第三站：現成鯪魚肉夠方便
最後一站就係去魚檔買現成嘅鯪魚肉，一般賣淡水魚嘅魚檔都會有已攪碎的鯪魚肉賣，駱樂就貪呢啲鯪魚肉夠晒方便，老闆話不妨加啲葱花同臘肉粒，咁樣鯪魚肉先夠香。