袁人祥話日本人對香港人嘅印象唔好，就等於港人對中環嘅菲傭印象一樣。早兩個禮拜，香港水貨界班馬騮精，到原宿新開張嘅馬騮仔專門店排隊搵食，同日本排隊黨發生衝突，差啲變成武鬥。
據袁人祥報料，事發現場馬騮仔專門店開張唔夠一個月，專賣童裝精品。店內裝修獨特，有馬騮機動遊戲表演，令人大開眼界。售賣產品新奇又剌激，早排推出批大頭馬騮積木仔，叫Milo
Kubrick，大受歡迎。原價500Yen一隻，即刻被當地炒家炒到每隻4,000Yen。
香港水貨界班馬騮精收到料，立即第二日飛過去撲貨，忽然成個原宿都係香港人。袁人祥：「可能我哋水貨界餓咗太耐，難得今次有咁好水位，大家都份外緊張，開門前兩粒鐘已經去視察環境，好多人都冇食早餐，加上嗰日又落住毛毛細雨，大家心情難免惡劣。
「呢間馬騮仔專門店外又唔畀排隊，所以一開門時大家就好似跑60米咁湧埋去，批踭踢腳少不免，嗰日就有幾個香港人同日本仔口角，我怕積怨愈來愈深，遲早因排隊發生打鬥。」
袁人祥呼籲港人應組織水貨界業會，大家同心合力去日本走貨，唔好被日本啲排隊黨恰。
主持人：大食Jack
八卦熱報：