李國章語不驚人死不休，連老鬼孫明揚都俾佢搞死。話說早前李局長忽然爆響口話已經完成局署合併方案，只係等埋房屋局一併提交，此語一出，嚇孫公一跳，因為大家事前並無打招呼。
於是，孫公手下梁展文翌日只好臨時叫晒班高層開簡報會，話畀佢哋聽個新架構係點嘅模式，算係展開諮詢。
睇嚟問責制搞死孫公，上場不足四個月，已經兩變其架構，孫公又俾地產大亨壓迫要快啲交功課，搞清楚政府房屋政策。你估孫公唔想快咩，但係都要「煮熟先至得」，如果唔係，又會俾人玩死。不過，班行家都認為，無論點，千祈唔好今日公布，皆因霆鋒案會有判決，攞晒焦點。咁都得？孫公一於再坐一會，度清楚先至出台。
傳真︰2623-9278
電郵︰