羅文再度入院，娛樂圈中朋友對此均十分關注，好姨薛家燕昨日說：「我噚晚十一點幾收到通知，話羅文入咗醫院，重叫我打畀肥姐（沈殿霞）問吓。睇嚟今次都好嚴重，我都好擔心，肥姐講過羅文過到重陽就冇事，希望真係冇事啦！」肥媽瑪利亞亦說：「雖然話過到重陽就冇事係迷信，但都值得信嘅。」
與羅文同屬英皇的羅嘉良則說：「我一個親戚嘅表姑姐，識得一個喺昆明專醫癌症嘅醫生，我會聯絡佢睇吓幫唔幫到籮記，因為我呢排趕拍《衛斯理》，所以未必有時間去探籮記，佢都需要多啲時間休息。」
而曾跟羅文學唱歌的周海媚表示未必會去探病，她說：「我今朝先知呢件事，打電話畀籮記助手問候過。之前佢入院我都去探過，但今次未必會去，因為病人需要多啲休息。」