喺剛啱舉行過嘅法國巴黎車展上，日產車廠除展出多款新車之餘，同場亦展出咗以新版Micra（即港版March），作設計藍本嘅開篷車，除定名為MicraC+C之餘，同時亦吸引到唔少在場車迷嘅注視㖭。呢款MicraC+C當中嘅C+C，係代表Coupe+Convertible，即表示新車係一部雙門轎車及開篷車嘅混合體，而造型設計就保留原有March既Cute且得意嘅神髓，匹配一個開關需時甚短嘅電動硬摺頂，從而令造型變得更具吸引力外，從側面望過去重有啲似標緻206CC㖭。另外，據知MicraC+C嘅車廂布局，將會與現有已在日本同香港推出嘅March型號相近，不但空間寬敞舒適外，設備亦見齊全易用；引擎亦與March相同，但相信會以一台1.4公升或以上嘅引擎作動力核心，以求有出色嘅性能表現。有興趣嘅車迷，就要留意新車嘅確實推出日期喇。