古董商張宗憲一連兩日假大會堂低座展覽廳，展出二百零八幅張大千、傅抱石等名作，其中一百零八幅係齊白石畫作。噚日開幕禮，特首親妹金董建平、林李翹如等名人都有捧場。張宗憲出生於上海古董世家，妹妹張永珍身兼全國政協常委及香港中華總商會副司庫。
噚日張宗憲非常興奮，滔滔不絕咁同記者講齊白石最細嘅同最大嘅作品：蒼蠅及老虎，都喺佢手上。佢話自己幅幅都愛，但齊白石畫於五○年嘅「虎」最特別，因為呢個題材只此一張，張老估計價值千萬。
原來張宗憲十五年前開始搜集近代中國畫，最初買過假貨，後來買得多成為專家，十幾年來花咗過億。今次展覽由蘇富比出資贊助，皆因佢有朝一日會交晒所有藏品畀蘇富比拍賣。「我將來不會用它們陪葬，曾經擁有就好了！」認真豁達。
傳真︰2623-9278
電郵︰