將軍一去，積金局人心渙散。當然，亦有人視此為上位機會，積極鑽營；但對於許仕仁（圖）來說，乜都唔重要。明年二月佢就滿五十五歲，就算仍留在政府做官，都可以退休。至於積金局，雖然係佢一手搞出嚟，但時移世易，亦無謂戀棧；第一，陳太前車可鑑；第二，費事人家四圍講話成功挽留到邊個邊個啦。
扣除假期，老許最快年底就可以拜拜，積金局已透過獵頭公司搵人，有幾個人都有機會。咁老許自己退休後有乜搞作？當然唔會只係聽歌劇同幫馬會做義工，八方聽到佢已經有初步安排，就係去一間好大好大嘅公司幫手，但未必會做董事，話唔想太辛苦喎。
到底邊間公司咁巴閉請得起老許？貼士係S字頭嘅。
傳真︰2623-9278
電郵︰