豐田與日產嘅Hybrid協議，先由日產購買豐田技術，然後兩間公司合作開發更新一代嘅技術；呢個協議係兩間日本車廠，歷史上第一趟合作。日產購入豐田Hybrid技術之後，目標係喺2006年於美國推出日產首部混合動力車。協議內容並無詳述日產購買配件嘅費用，但豐田則指明協議，足可降低研究Hybrid技術嘅成本。
豐田喺1997年開始製造Prius投放市場，當時預計到2005/2006年時，呢類混合動力車種年銷量可達30萬部，但到現階段，Hybrid車種嘅累積銷量只有12萬部，而最大市場會係北美地區，主打型號亦係Prius；而喺日本本土市場，豐田已推出Crown同Estima嘅「純和」（MildHybrid）混合動力版本，摩打嘅動力輸出較低，比起Prius會較倚重引擎。
但從中亦可以見到，兩大車廠為Hybrid而達成合作協議，就證明咗混合動力嘅車種係有前景嘅。
文：陳自齊