印尼發生炸彈襲擊慘劇，但大馬一於冇有怕，重大灑金錢，在港宣傳旅遊業，搞創意大獎。由噚日起到明年三月十五日，只要你乘搭馬航、港龍、華航及國泰去大馬度假，就有資格參賽，睇吓邊個可以用最有創意嘅書寫方法，寫出“Malaysia,TrulyAsia”就可以捧走五十萬獎金，報名表可以去旅行社索取。
噚日大馬旅遊局搵埋人妖獻唱助慶，又示範馬式腳底按摩，聽聞成個宣傳活動半年花費五百萬，都幾大手筆。
講到印尼受到恐怖襲擊，大馬總領事亞施擔心，外國旅客會對所有東南亞國家心生恐懼，不過旅遊促進局香港分局局長查卡利亞就話，佢哋嘅回教徒好溫和，政府又會加倍警力防範，重話「如果大家好驚去印尼，咁就嚟大馬玩啦！」
傳真︰2623-9278
電郵︰