梁愛詩姐姐（圖）同葉劉淑儀兩位女悍將呢輪日日出面為《基本法》二十三條立法解畫，葉劉一開始就非常勇猛，各路人馬搞嘅論壇或者座談會一樣奉陪到底，冇有怕。
詩姐姐亦不甘示弱，聽日會同區義國出席報業公會係金鐘港麗酒店舉行嘅午餐會，詳談二十三條立法嘅問題，新聞界對洩密罪最擔心，一定趁機問個清楚。
原來梁司長上個星期見過到訪香港嘅英國司法部頭頭，向佢簡報咗二十三條嘅內容，而愛將區義國就因利成便，上周四送仔去英國讀書，見埋英外交部、英大律師公會同埋班學者及智囊，連傳媒人都見埋，真係做足游說工夫。
政府官員馬不停蹄，目的只有一個，就係可如期明年七月通過法案，雖然葉劉唔會認與北京喺時間表上有協議，但係又無法解釋點解死都唔肯出白紙草案，點解呢？
傳真︰2623-9278
電郵︰