我Apple姐一向都唔贊同話食肆要裝修高檔先叫高級，其實城中唔少特色食肆都幾有feel㗎，你睇朱玲玲、葉蒨文咪一樣歎大牌檔。好似太古城近半年開咗唔少食肆，有間專賣上海菜嘅翡翠小籠包，日日都排長龍，我去親都等成個鐘頭先有位坐。
邵逸夫（六叔）老婆方逸華就先知先覺啦，嗰度啲夥計八畀我知話啱啱開張時方逸華就已經幫襯過，重好醒目咁喺舖頭收工前一個鐘頭先到，咁咪唔使排隊等位囉！
啲夥計重話嗰晚方逸華同埋四、五個後生仔一齊嚟食嘢，不過就冇預六叔喎！佢哋叫到成枱餸，又小籠包、拉麵、冷盤咁，埋單都係幾百蚊啫！