月前，阿惠家中廁所的喉管及坐廁因使用日久而出現裂縫，經常漏出大量鹹水，曾多次不小心跣倒。近日，她發現浴缸的底部亦有裂痕及嚴重漏水，污水更滲出客廳及睡房的牆壁，急需維修，費用約一萬元。惟生活貧困的她，實無力支付昂貴的家居維修費用，盼獲善長伸出援手。
「廁所水喉管爆咗咁耐，啲水重漏落樓下單位，成日俾人投訴。我都叫過師傅嚟睇，佢哋話要快啲換咗廁所嘅喉管、拆咗個坐廁同埋浴缸，但係要畀成萬蚊，我哋邊度有錢；呢幾個月見到邊條喉管漏水出嚟，咪惟有即刻用啲英泥塞住個窿。」四十一歲的阿惠愁眉不展地說。
阿惠與任職酒樓侍應的丈夫結婚多年，育有兩名分別十四歲及十七歲的兒子。前年因裁員其夫曾失業，令一家四口的生活一度陷入困境，惟有向親戚借貸度日。
雖然阿惠現已找到一份保安員工作，而其夫則在酒樓任職替假侍應，惟俱收入微薄。每月扣除數千元的基本伙食開支後，還要應付孩子的教育支出，經濟緊絀。
「試過幾次啲水滲滿晒廁所地板，真係好擔心若果條喉再爆多一次，浸濕晒間屋。𠵱家每個月都唔夠使，重要拎成萬蚊出嚟維修，就算儲都要儲幾年。」阿惠歎道。她盼善長捐助維修費，令其一家生活得以改善。
捐款編號：C0709
暖流熱線
電話：29908688
傳真：23702192
電郵：
網址：