八號仔電盈昨日大發神威，急升超過一成，挾到班淡友氣咳，猛咁呻話小小超李澤楷上周接受某外國傳媒訪問，提及派息事宜「出口術」，但據知此事實屬誤會。事緣當日小小超應邀去該傳媒作禮節性拜訪，佢哋嘅記者問咗兩句，才會有此新聞曝光。
另外八方前排提及董家菜風波，原來重有下文。當時，董家菜太子女提及小超人包起整間菜館，之後又話實際係小小超，點知兩位當事人都高調否認。
聽聞小小超事後搵人了解呢件事，知道董家菜係俾行家整蠱，加上太子女高興過度講錯嘢，才造成風波。小小超知道後覺得如果因為自己否認害到人哋冇生意，就唔係咁好；於是叫班夥計有機會就去幫襯吓董家菜，因此傳媒呢排約電盈嘅朋友食飯，電盈好多時都揀呢間食肆。不過，小小超自己就未幫襯過。
傳真︰2623-9278
電郵︰