出身於飲食世家，父親在荷蘭開餐館的李向元（Mark），所以自小對飲食都有濃厚興趣，二十歲正式入行做廚，最擅長煮西餐，亦做過東南亞菜、印度菜。對其中的西班牙菜產生興趣是基於十年前加入ELCID，透過與外籍西班牙廚來港作交流，經參與及實際入廚烹調，累積的經驗，至今對西班牙菜都總算略有認識。Mark心目中的西班牙菜是較油膩（多用橄欖油），為迎合港人口味，盡量減少用橄欖油去煮，而他最欣賞西班牙菜就是簡單及夠原味，與Mody的睇法不謀而合。
為迎合港人心大心細、鍾意多花款的心態，Mark想到以自助餐形式食西班牙菜，分兩種形式，其一是自選主菜一款，可免費任食當中四至五款的特色小食（見下圖）。另外亦可只選擇一款主菜，包括有砵酒燴牛闊條麵（$118）、扒龍脷魚配龍蝦汁（$138）、西班牙海鮮焗飯量（$145）等八款供選擇。
最啱人多時order的薯仔奄列，將十多隻煮至半熟的薯仔片，連同白菌、洋葱混入約八隻的蛋液中煎成，外滑內軟，Mark話要先猛火後慢火去煎，否則蛋好易黐底兼會過老。
西班牙人一邊飲酒一邊細嘗小食，這裏吃到的香腸拼盤包括有Serrano、Lomo、Chrizo及Pamplona，Mark話特別要試Lomo，價錢雖然最貴，但食落鹹味適中兼帶香味，送酒一流。
Mark會先將雜菜煮至略熟，然後才加橄欖油浸，便可以減少用油，令食落更清爽。港人好煎炸小食，Mark設計了外酥香內滿肉汁的香酥炸雞卷，推出首日，最快沽清就是這個小食。
這杯名為Sangria的果酒，以紅酒混和白蘭地、果汁而成，味帶甜，飲落近似我們常飲的FruitPunch，容易入口，但因酒精度頗高，不自覺飲分分鐘會飲醉。
$50/一杯
ELCID
地址：九龍塘又一村達之路80號又一城UG35舖
電話：22657168
座位：約200個
營業時間：上午11:30至晚上11:30
付款方法：現金或信用卡（Visa或Master）