星期天對一眾在港的菲傭可謂意義重大，只有這天才可以和鄉里們高高興興聚首一堂；同樣，平日被菲傭照顧一日三餐的陳家，這一天亦屬難能可貴，皆因可趁菲傭放假，走入廚房炒幾味，夾手夾腳炮製愛心餐。儘管媽咪Percie對菲傭的餸菜讚不絕口，但仍不及一家人合力炮製的一頓愛心溫馨飯！
記者：周麗懿 攝影：黃子偉
約一年前，因菲傭放假無飯食，忽發奇想不如同仔女一齊玩吓煮飯仔，Percie說：「試過一次之後，發覺原來呢個係一個好好嘅親子時間，仔女除咗學識分工合作外，重可以互相溝通，之後每個月都會搵個星期日同仔女一齊煮嘢食。」屋企雖小，但卻滿載了夫妻與子女間的感情。
家住油麻地的陳太Percie，平日將煮飯重任交給菲傭，所以甚少到街市，惟有星期日，一家大細上茶樓歎完茶，才會去行街市。Percie謙稱自己對煮餸並不在行，所以請來嫲嫲幫手，揀料都揀得新鮮啲啦！
嫲嫲喺街市行一圈，望遍所有菜檔的芋頭，先揀中呢檔，問她點樣先揀到靚芋頭，她說：「最緊要就係夠輕身！咁就代表個芋頭唔會生水！」
Percie買膏蟹的口訣係「九月圓頭，十月尖」，所講的其實是翻轉蟹蓋後的奄，圓形是乸，尖形是公，所以踏入農曆九月，蟹乸便最啱時候食。
嫲嫲話用來做蝦仁炒蛋的蝦，只要蝦頭唔黑兼無甩頭，而蝦身望落通透，就已經好靚，如果買生猛的靚蝦，反而好難搣殼。
這是嫲嫲的拿手菜式，家中的五名兒子都是食這味餸大。雖然煮法有點複雜，不過嫲嫲的手勢十分純熟，完全沒半點難度。味道方面，蒜茸加南腐乳的配搭十分香口，肉汁既鮮且甜，小記試過真係好好味！
南腐乳 2磚
麵豉 2湯匙
蒜茸 1大個
冰鮮鴨 1隻
芋頭 斤半
叫Percie示範菜式，她毫不考慮便介紹蟹肉蒸肉餅。Percie話這味餸的爽甜蟹膏加上肉餅，用來送飯十分滋味。
膏蟹 1斤
瘦肉 半斤
雞蛋 2隻
鹹蛋 1隻
將瘦肉剁成肉餅，之後將蟹拆殼，挑出蟹膏，放入肉餅內。加入雞蛋和鹹蛋、少許鹽、胡椒粉、生粉和豉油攪勻。之後再將蟹腳和蟹蓋放在肉餅上，蒸約25分鐘即可。
囡囡Katie愛吃蝦，仔仔Horace愛吃雞蛋，這味較簡單的蝦仁炒蛋便交由Katie負責操刀。只見Katie的手勢還未十分到家，偶然也要Percie出手幫助。
蝦 10両
雞蛋 3隻