方力申、Cookies、陳啟泰、Shine、關心妍及范逸臣等，昨日到九龍公園出席「最佳進步獎2002」頒獎禮，而方力申、陳啟泰、DJ范振鋒及梁奕倫更被選為「進步之星」。
近日，Cookies成員Theresa及Stephy均緋聞不絕，問Theresa有關光頭仔王嘉明到醫院探訪她一事，她笑說：「我覺得係笑料一則，我重估唔到咁勁出到頭版，不過我哋只係好朋友。」記者再問她會否覺得對方藉此博宣傳，Theresa說：「唔知呀，佢嗰日淨係同我講佢公司有嘢畀我，但係我哋有時都會傾電話。」
而Stephy對於陳冠希被家姐陳見飛踢爆與陳文媛已分手多時的新聞，她說：「我都有睇，不過我私底下就唔會同佢講感情事。佢花唔花心我就唔知啦，我只係當佢係朋友，而且工作咁忙我都唔會考慮拍拖，加上公司都唔畀我哋拍拖啦。」
採訪：李珮洳
攝影：陳偉權