呢輪地產界日日向政府施壓，連保皇黨黨魁曾鈺成都加入行列，叫老董唔好再亂咁發放消息，一時又話托市，一時又話唔托。
其實，特區政府真係有苦自己知。好似賣地咁，八方聽聞負責嘅官員都認為冇理由唔賣，如果有人肯出真金白銀買，政府忽然叫停，呢個訊息你估市場點反應呢？肯定唔慌好。其次，庫房少咗進帳，邊度去搵錢填數呢？正如阿松噚日講，政府嘅底線係唔會賤賣呢啲有限嘅資源，僅此而已。
雖然係咁話，但最後話事權仍然喺老董手上，部份地產商梗係話最好只係保留勾地嘅機制，公開拍賣可以停止，咁佢哋睇中邊塊就叫價咯。
所謂各為其主，要出手穩定樓價又真係談何容易呢？
傳真︰2623-9278
電郵︰