標緻車廠近年狀態大勇，先後推出多款新車並廣受歡迎；而最近就有外國傳媒報道，謂廠方正努力研製全新407SW型號，以抗衡歐寶Signum。
從預想圖中可以睇到，407SW造型與早前曾在各大國際性車展上，所展出嘅RC概念車相似；兩者同樣備有低斜頭燈組合，車頭鬼面罩及氣霸設計，重有幾分相似㖭！而響闊大四輪合金胎軨襯托下，望落真係好似部高性能旅行車咁㗎。至於車廂布局方面，則暫時未有詳細資料；而廠方為顧及不同用家嘅需要，特別提供多台引擎供選擇，當中包括有2.0公升直4型號，以切合不同需要。有興趣嘅車迷，就要留意確實推出日期喇！