最近電影市道不景，業界齊齊搵政府出手打救。老董今次用乜嘢應酬班忠實支持者就真係唔知，但正如一些熟悉電影界老友同八方講，業界要資金之餘，更重要係創意，唔係拍來拍去都係嗰幾類，真係搵鬼睇！
咁點先叫有創意呢？老友在網上搵到一部應該係台灣拍陳年「科幻片」廣告！冇錯，係「科幻片」，片名叫《戰神》。最「騎呢」係套片竟然係講關公顯靈，大戰入侵地球外星人！呢套片當時收唔收得就真係唔知，但條「橋」就真係充滿娛樂性。雖然八方老友就搵唔到套片錄影帶，但講電影創意，有時港產片真係唔及以前咁大膽。
﹙圖﹚呢張電影廣告雖然唔知年份，但肯定相當有諗頭。
傳真︰2623-9278
電郵︰