呢輪咁多高官話唔撈，唔通問責制真係嚇怕人？噚日有消息指，梁天偉嘅太太梁王珏成因健康問題向社署請辭，上個月已不再當副署長。
八方急急打聽究竟發生乜嘢事，皆因八方早前曾同梁太一齊外出旅遊，見佢紅粉花飛，鬼咁生猛，點會忽然抱病？原來梁太因血壓高需要休息，年初更動過一次手術，所以不再延任。
梁太同另一位副署長朱太相繼唔撈，署長林太肯定好頭痛要搵人接班。
至於梁太，就真係一個了不起嘅女人。八方最記得當年梁生被襲，梁太日日夜夜在旁侍候，全無怨言。她那種堅定不屈嘅眼神，絕不言悔嘅信心，八方至今仍沒法忘記。梁太肯定是個事業型嘅女性，是梁生背後最大嘅支持。佢哋兩個仔女已長大成人，細女年底出嫁加拿大，梁生亦暫別工作。兩人正為女兒婚事忙碌，真係恭喜恭喜！
傳真︰2623-9278
電郵︰