民主黨黨魁李柱銘一早講過年底一定唔做黨主席，但係到咗今時今日，重未搵到人肯出嚟接棒。八方日前喺立法會見到羅致光，問佢點搞？佢話𠵱家嘅情況係，邊個抗拒做主席嘅程度最低，就會上位。
咁即係邊個？李永達縮沙話唔制；楊森又未肯正式公開表態；至於羅致光，就大大聲話自己抗拒程度最大。言下之意，千祈咪搵佢。
白鴿黨搞咗咁多年，都培養唔到一個肯捨我其誰，有承擔同埋有廣泛支持度嘅接班人，真係失敗。忽然有人話，點解唔向外邊搵？好似新任馬會主席夏佳理咁，都可以諗吓請佢出山，佢親口同八方講過呢件事哩；重有李鵬飛，夠晒江湖地位。許仕仁又話退休咁得閒，白鴿黨實在毋須有黨派成見，唔夠人就招外援加盟，或者會有意外收穫都唔定呢。
﹙圖﹚李柱銘不做黨魁，民主黨無人肯接棒。
傳真︰2623-9278
電郵︰