林百欣養子林建康與寇鴻萍男友梁廷鏘合作在上海開食肆「采蝶軒」，寇鴻萍廣邀來賓出席開幕禮，當中包括向華勝與女友張玉珊。張玉珊表示由於她皮膚白皙，長得像上海姑娘，男友此行對她特別加緊照顧，恐怕她被人撩。 記者RachelWong、RickyChan上海直擊
麗新主席林百欣（林伯）的養子林建康首度染指飲食界，斥資超過千萬元，與寇鴻萍男友梁廷鏘在上海開設食肆「采蝶軒」分店，坐落林伯旗下在上海的香港廣場，上周末（十二日）舉行開幕活動。除了有剪綵儀式外，同場加演一場由模特兒捧着「采蝶軒」招牌菜式行catwalk。
開幕禮上，主人家林建康及梁廷鏘兩家人在場落力招呼賓客，寇鴻萍又廣邀好友出席盛會，包括呂方、吳家麗、周汶錡、宮雪花及兒子和剛自陽澄湖品嘗大閘蟹的張玉珊及男友向華勝。
張玉珊表示此行男友對她特別緊張呵護，她說：「因為我啲皮膚白白，成個上海妹咁，男友驚我俾人撩，所以我去邊佢都跟實我。有次我去完洗手間返嚟，佢即刻好緊張咁問我去咗邊㖭。」
張玉珊又透露有意在上海搞「修身堂」的生意，她說：「不過我想準備好啲先出擊。」
問張玉珊如在內地搞生意，少不免要飲酒應酬，她能否適應？她說：「講酒量梗係男友好啲，我已經向佢學習緊㗎啦。」
而林伯二姨太余寶珠更自掏腰包宴請六位來自加拿大的好友，出席開幕禮順道在上海遊樂。林太說：「我要走兩場，因為Peter（兒子林建岳）投資嘅梅艷芳演唱會又係今晚開騷，我一陣會同班朋友去捧場。」