董建華可能因為迷信風水，點都唔肯住入前港督府，寧願住番馬己仙峽道嘉慧園間舊屋。但有高人睇過風水，話港督府先最正，雖然中銀大廈成把利刀咁劈落嚟，但只係對英國嘅督爺不利。特首有北方貴人照，中銀大廈回歸後已變成佢自己把刀。阿董唔搬入去，名不正言不順，有損特首威權，更令香港運勢轉弱。真係信不信由你。
不過，阿董唔識貨，有其他人就識欣賞禮賓府嘅好處。最近八方發現有一批新住客搬入呢間權力中心嘅屋頂，佢哋就係「鸚鵡大人」嘞。
唔好誤會，八方唔係話，曾被叫作「路鸚鵡」嘅阿董家臣路祥安「路公公」同佢太太「路婆婆」，咁斗膽霸咗老細個地盤，而係講緊真正曉飛嘅鸚鵡。呢批鸚鵡唔知來自何方，有兵頭花園都唔住，竟然飛入長官大宅；佢哋有白有綠，頭頂重有個好靚嘅冠，非常可愛，在禮賓府屋簷下嘅去水位築巢，自由自在咁飛來飛去，好逍遙哩。
傳真︰2623-9278
電郵︰