梁詠琪（GiGi）早前到泰國三日，拍攝Olympus相機廣告及新歌《進化夢》的MV。
今次廣告商特別找來《見鬼》導演彭發為GiGi拍廣告，起初GiGi還以為廣告及MV會加入詭異元素，甚至要她扮女鬼，GiGi說：「我着埋兩條白色長裙嚟拍，諗住要扮女鬼都配合到㗎，不過我首歌嘅主題同個廣告內容都唔係講鬼，導演拍得我鬼火咁靚就真。」GiGi透露與彭發首次合作相當愉快，若有機會她也希望與彭發合作拍鬼片，飾演女鬼也沒有問題。
此外，GiGi在泰國公幹三日，除了酒店外，其餘時間都留在攝影廠工作，無暇出外觀光及歎美食，GiGi說：「都有叫外賣番嚟食，全部係咖喱同冬蔭功，係好食呀，但食到輕微肚瀉囉，日日番到酒店都好唔得閒，要匿埋喺廁所呀。」