樓市陰晴不定，各大地產發展商對旗下嘅樓盤都好緊張。其中九龍倉就趁長假期，推售深井碧堤半島，連日找來「超級高層」造勢。例如，上周五就搵咗集團高級副主席李唯仁去睇示範單位；前日更放風話主席吳光正會親自到場打氣。
話說八方為咗了解碧堤的市道，前日中午特別到深井售樓處睇盤。見到九倉助理董事黃光耀喺示範單位見傳媒，講個盤嘅銷情。八方同一班行家問完料後正準備離開，點知又接到九倉嗰邊嘅call，話吳光正去粉嶺打高爾夫球，打完後會去碧堤巡視吓，相信五、六點鐘就會出現。由於吳光正有成四、五年冇去睇過示範單位，上次巡盤已經係九七、九八年星河明居開售的時候，所以大班行家不敢怠慢，立即折返。
不過，八方由五點等到七點，吳光正都冇出現。後來聽講話吳老闆打完波見時間已經唔早，所以直接去食飯。睇黎吳老闆一定對個盤好有信心，兼且完全信得過黃光耀。
﹙圖﹚吳光正為了打波，未去為新盤宣傳。
傳真︰2623-9278
電郵︰