Shine日前拍攝新歌MV，眾人更在旋轉盤上大玩氹氹轉，而其同門師妹Cookies成員之一的Helena，今次首度擔任MV女主角，她更破天荒穿上超低胸緊身露臍背心，迫爆衫之餘，更險些甩裙。
男子組合Shine日前在中環半山一間空置的豪宅內，拍攝新歌《伊莉莎伯太遲來》MV，其MV除以成本較貴的電影菲林拍攝外，又特別搬來一座旋轉盤作道具，當日除Shine外，有六名女臨記出鏡，而MV女主角則為Shine的同門師妹Cookies成員之一、年僅十九歲的Helena（馬思恆）。
首次擔任MV女主角的Helena，罕見地穿上一件低胸緊身露臍背心，有迫爆衫之感，盡顯身材，而她更露出了臍環，不過Helena所穿着的半截裙，其實只是一件大V領闊身T恤，並僅以一口扣針釘着裙頭而已，故她不時整理裙頭，以防甩裙。
對於被安排作性感打扮，Helena卻不以為然地說：「唔係好性感啫，我覺得OK，我係驚條裙甩咋，以前我喺美國讀書嗰陣時，着住件bikini，加件外套就出街㗎啦，但香港就唔同嘅，況且今次係拍嘢我至會咁着。」
由於Helena先行拍攝，她拍至尾聲時，Shine才睡眼惺忪地出現，二人到埗後便立即化妝，問到Helena的性感打扮，是否令他們噴血？Shine成員之一的又南竟瞪大眼說：「係咩？佢頭先拍嘢噴血呀？」其後他才說：「我睇唔到喎，做乜唔叫我睇呀？」而天佑則說：「我冇留意喎。」
而Shine為配合導演要求，亦要在旋轉盤上不停氹氹轉，但二人活力十足，轉完一大輪後，竟走到一旁扮演截拳道高手切磋武藝，令在場工作人員為之捧腹。
採訪、攝影：朱芷瑩