已經做人媽媽嘅相川七瀨，似乎重未肯修心養性，出親隻隻碟都依然玩盡鬼五馬六嘅形象，繼佢上次隻細碟《永不完的夢》扮冇血色妖怪，嚇到我大口羅拉幾晚瞓唔着之後，啱啱出嗰隻《六本木心中》就嚟個頭髮亂飛，十足俾把大風扇吹到正咁，不過起碼我都認得相川個樣！ 不過相川玩形象之餘都保持番自己嘅rock友路線，今次重翻唱咗唔少搖滾作品，估唔到做咗人阿媽都咁好火！