曾經傳過話唔會再玩立法會直選嘅民建聯主席曾鈺成，噚日同八方講，話已經鐵定會出戰二○○四年立法會直選，𠵱家就正諗緊，究竟繼續喺九龍西力戰群雄，抑或替代仍喺獄中嘅前戰友程介南出戰港島；佢話，感情上當然想留番喺九龍西參選，但係一切會以大局為重──即係睇吓喺邊區參選，會攞到最多席位。
講起程介南，曾主席就話阿程已經同班兄弟單咗聲，唔好同傳媒講太多關於佢嘅嘢，所以曾主席噚日都封晒嘴唔講，只係透露程介南會喺十二月十九號出獄。
（圖）曾鈺成仍未知道二○○四年立法會直選時，會出戰九龍西抑或港島。
傳真︰2623-9278
電郵︰