張燊悅昨日往荃灣廣場，出席仁濟慈善活動時大歎最近經常被狗仔隊跟蹤，她說：「都唔知跟我啲乜，有乜好跟呀？」記者取笑她與雷頌德同居，所以被人跟蹤？張燊悅說：「梗係唔係啦，我同屋企人住㗎。」 會請雷頌德 問張燊悅與雷頌德的關係如何？是否情侶？她說：「私人嘢我真係唔想講。」問新居入伙的張燊悅可會請雷頌德到訪新居？她說：「乜嘢朋友我都會請佢哋上我屋企，不過就要遲啲先啦！」