摩根士丹利有個副總裁因為涉嫌在中巴收購戰中收水二百粒，俾廉記請飲咖啡，搞到高層好無癮，因為大摩呢幾年努力改善形象，點知幾乎一鋪清袋。
八方啱啱收到大摩寄來的文集──《不一樣的中國》，係佢哋首席經濟師羅奇（StephenRoach）嘅傑作，輯錄佢呢幾年有關中國問題嘅文章。八方早排已經收到英文本，估唔到大摩咁好心機，專登搵人全本繙譯成中文。呢本書寄晒畀北京高官，包括國務院總理朱鎔基等，雖然好多高官英文好掂，但係大摩就要充份顯示誠意。
大摩重好有環保意識，因為呢本《不一樣的中國》，寄畀唔同人有唔同包裝，好似八方，收到嘅係白色普通卡紙包裝，老總收到嘅就係紅色硬盒精裝，唔知朱總理收到嗰本有冇錦盒裝住呢？
（圖）《不一樣的中國》中文版（右）包裝盒有分普通裝（左）同紅色硬盒精裝。
傳真︰2623-9278
電郵︰