老人家話，重陽節本來係遠足登高嘅日子，但係唔知幾時變咗同清明一樣，啲人去掃墓多過登高。
民建聯噚日就重拾舊日習俗，專門搞咗個登高環保之旅，帶班市民爬上海拔成六百米嘅大帽山，去嘉道理農場睇花草樹木，結果有六、七百人踴躍參加，場面都算浩浩蕩蕩。
八方早就聽聞，嘉道理農場裏面有好多香港稀有嘅花草，香港嘅原生植物有一半可以喺度見到，噚日嘅行山者當中，唔少係中、小學生，喺秋高氣爽之下行山，既可以鍛煉身體，又可以實地學吓嘢，真係一舉兩得！
（圖）六、七百人參加民建聯嘅登高環保之旅，去嘉道理農場睇花草樹木。
傳真︰2623-9278
電郵︰