去過東京迪士尼樂園不下六、七次，但原來萬聖節的東京迪士尼樂園，跟平日去慣的，感覺是真的截然不同。萬聖節的東京迪士尼樂園，給我有一種進入巨型鬼屋般不一樣的感覺。不是有米奇等卡通走在身邊，這裏由裝飾到氣氛，似乎都不再是迪士尼的傅統賣點，但反而給我新鮮感，重拾當年那種第一次到迪士尼的超級興奮感。
記者、攝影：李莉
鳴謝：日本觀光振興會、曰本航空、東京迪士尼度假區
單憑我一個人在園內左轉右轉，總不能完完全全體驗百分百迪士尼萬聖節氣氛，雖然還有半個月先到萬聖節，但到訪當日，一樣人山人海，我一於搵埋其他遊人，齊齊分享鬼節喜悅。
讀大學一年班的香、美由及愛(左至右)特登趁無堂日子：走來迪士尼提早感受萬聖節氣氛：「同平時嘅迪士尼簡直完全兩種feel！」三人異口同聲表示萬聖節的東京迪士尼樂園最正是各種南瓜鬼怪的裝飾。尤其Toontown內的鬼節布置混合埋迪士尼主角的鬼型鬼相，例如忽然變了南瓜頭的米奇、美妮，扮成Q版骷髏頭的小松鼠等，再加上坐了可愛小白兔的南瓜車穿梭其中，真的未到正日已經過足萬聖節癮。
明明已經開學，不知道為甚麼園內仍處處見到着校服的學生，這四位中學生，對我的疑問並無正面回答，不過佢哋就話：「氣氛好正，尤其一齊跳舞，真係好High！不過點解冇小熊維尼份呢？」我一樣有同感，因為我亦是維尼Fans。但我覺得買維尼南瓜樣產品一樣可以填補失落。
東京迪士尼樂園每年都舉行萬聖節巡遊活動，可惜我每年都總是因為某些原因而錯過了。今年我終於可以置身其中，在十月舉行的南瓜派對中，鬼鬼馬馬狂歌熱舞一番。今年萬聖節節目規模據說是歷屆最大型亦最與別不同，焦點所在自然是矚目的全新萬聖節巡遊，我當然霸定靚位，落足眼力，同大家發掘最精采之處！
巡遊一開始，換上魔法師裝束的米奇伴着妖精裝束的美妮，在會跳會走會笑會唱的人扮南瓜陪同下，企在高十米的超級巨型南瓜車現身。全埸觀眾一見到米奇就立即狂呼起來。老實講，當巨型南瓜車駛過我身邊的時候，真的好震撼。因為個南瓜真的好大，大到連米奇都差點兒看不到呢！
緊接米奇現身的，是首次登場的怪獸公司兩主角，Sulley同Mike，話說這兩位主角掛正「騎呢」兼「怪獸」旗號，跟萬聖節絕對相配，所以今年萬聖節活動，自然要預怪獸一份。
壓軸兼掀起全場高潮的就是撞板多過食飯、一見趣怪樣就想笑出來的唐老鴨。唐老鴨今勻同女朋友黛絲搞笑到扮成一對鴨形南瓜，然後加埋糖果人、鬼鬼怪怪停在觀眾面前狂歌熱舞，我竟然也和身邊的觀眾一樣，自自然然隨着氣氛而手舞足蹈起來。完全是整個巡遊至興奮一幕。
出門提一提
簽證：不論持BNO、特區護照及CI者均須簽證，查詢：25221184（日本領事館）
機票：乘日本航空來回東京，十月份價錢$3,020（7日有效期），逢五、六、日出發，需另加$300，查詢：23900421（學聯旅遊）
交通：乘JR京葉線至舞濱站，徒步約三分鐘可達。
東京迪士尼樂園
入場費連任玩套票：成人?5,500
電話：（81）45-6833777
地址：千葉縣浦安市舞濱l一1
營業時間：9:00am-10:00pm