田北俊雖然已經做咗人哋外父，但仍然keep得好鬼fit，八方問佢有乜嘢keepfit之道，田少承認自己冇乜戒口，秘訣在於唔好食得咁快，咁就自然唔會食得咁多。
佢重好生鬼咁舉例話，如果佢同鄭維志、唐英年三個人一齊飲湯，鄭維志飲完碗湯之時，田少就剛剛飲咗兩啖，而唐英年就重用緊隻湯匙喺度攪攪吓，一啖都未飲。
唔同嘅飲食速度有乜影響？有樣你睇，鄭維志雖然唔可以話好肥，但就比較健碩，而唐英年偏瘦，田少就啱啱好。當然，除咗飲食習慣之外，上天亦的確唔係幾公平，肥仔張宇人同田少一樣唔食零食，但係就肥好多，真係唔恨得咁多。
田少又承認，自己唔係特別多運動，一個星期只打兩次網球，已經可以keep得咁fit，五呎九吋高，一百四十磅。
傳真︰2623-9278
電郵︰