連續三日假期，係忠實車迷嘅你，除咗平治嘉年華會有一定吸引力之外，毗鄰嘅In的家，亦有大型嘅奧迪全線車展；當中至炙手可熱會係近期流行SUV嘅A4Avant、Allroad同掀背房跑車嘅A31.8T型號。然而，代理剛啱運嚟一部全港獨有至Top嘅RS6Avant房跑車，可惜買家特地空運抵港，相信普羅車迷會與其緣慳一面，之不過緊隨響今個月底，或許會有第2部RS6抵港都唔定㗎！呢部時值135萬嘅高性能房跑車，除馬力輸出驚人外，佢嗰套至新嘅DynamicRideControl主動懸掛系統，重可以因應彎路調節左右輪嘅循迹性同避震軟硬度，遲吓全新A8車系亦會以此裝備作為主要規格，絕對可媲美最新寶馬7系嘅相若避震裝置，有咁出眾嘅汽車科技，又難怪奧迪近年會備受車迷追捧嘅！