警務處處長曾蔭培平日不苟言笑，好似好惡咁，但原來後生仔女不單止唔驚佢，重好仰慕佢呢！話說曾一哥同兩位歌手李彩樺及方力申，噚日一齊出席喺沙田城門河畔行人徑舉行嘅「第三屆心連心慈善步行籌款」活動，三個人一碰頭即俾人拉埋一齊影合照，李彩樺更大讚曾蔭培好有型。
八方問李彩樺，一哥是否佢心目中理想對象？佢好坦白咁話：「都係㗎，我結婚時都會揀成熟型嘅男仔，因為夠穩重同可以依靠，當然最重要係靠得住嘛。」睇嚟曾太要小心啲喇。
方力申今年代表香港參加亞運，對於「風之后」李麗珊膽管發炎仍博盡參加比賽，方力申說：「我都好佩服珊珊，佢真係好犀利，一直比賽到取得金牌先話有事，可能佢驚會影響士氣，如果係我就唔知點做。」
傳真︰2623-9278
電郵︰